Einstæður faðir með 4 unglinga fæ 68.800,- kr reikning

Ég á von á 68.800,- kr reikning fyrsta ágúst vegna þessa útvarpsgjalds.  Á heimilinu eru 3 unglingar yfir 16 ára aldri sem allir eru í skóla og þar sem aðstæður í landinu eru svona góðar þá ætlar ríkisstjórn heimilanna að skella á okkur tæplega 70þúsund króna reikning.  Þetta er útvarpsgjald vegna sjónvarps og útvarps sem enginn á heimilinu horfir eða hlustar á nema þá vera skyldi Spaugstofan nokkrar klukkustundur á ári.

Gjalddagar útvarpsgjalds þrír

100.000 bílaleigureikningar...

Ég lenti í því að það var brotist inn í bílinn minn fyrir utan Laugardagsvöllinn þegar ég var að æfa í Laugum og hliðarrúða hjá bílstjóra brotin.  Ég tilkynnti tjónið og fékk bætt á sanngjarnan hátt Garmin GPS tæki sem tekið var úr bílnum.  Mínus sjálfsábyrgð og þeir vildu ekki bæta Íslandskortið því það er hægt að setja inn í 2 tæki en samt varð ég fyrir "hálfu" tjóni á því.  Rúðan var ekki til á landinu og núna 2 vikum síðar er hún loks komin og verið að setja hana í.  Bíllinn var fyrir mér að mestu ónothæfur á meðan þar sem erfitt er að keyra hliðarrúðulaus við hlið bílstjóra en ég lét mig hafa það að mestu leiti.  Ég fékk erlendan gest sem er ekki eins vanur kuldanum hérna og því fór ég fram á að fá bílaleigubíl í 3 daga (ekki 14 eins og þetta er komið í) en því var alfarið hafnað af Sjóvá.  Ég þurfti því sjálfur að leggja út fyrir 30.000,- krónum í bílaleigubil sem mér finnst sanngjarnt að tryggingafélagið borgi.  Bíllinn er tryggður í botn hjá Sjóvá og því blöskrar mér að sjá þá brenna upp sem svarar hundraðþúsundföldum reikningnum sem ég bað um án árangurs og eflaust hefðu þeir náð betri kjörum á bílaleigubílnum en ég.

Sjóvá gat fengið mun betra verð

"Did he have any outstanding features?"

Spurði löggan, en afgreiðslustúlkurnar höfðu ekki tekið eftir neinu sérstöku við þjófinn öðru en að hann var nakinn... 

Nakinn frönskuþjófur

Af hverju eru allir að reyna að ná botninum?

Af hverju reyna ráðamenn og almenningur ekki frekar að ná toppnum í stað þess að vera sífellt að láta sig síga niður á botn?  Það er einföld sálfræði að ef maður segist lenda í einhverju áfalli þá gerist það.  Þetta er svona álíka og knattspyrnumaður sem er að taka vítaspyrnu hugsar í sífellu: "Ég brenni af" eða "Þetta verður varið hjá mér!".  Hvað haldið þið að gerist hjá honum?  Það vantar jákvæðar fréttir og jákvæðar hugsanir.

 

Eva Joly: Botninum ekki náð

Loksins Skilanefnd sem skilar einhverju

Loksins Skilanefnd sem raunverulega skilar einhverju.

Eftirlaunasjóði flugmanna skilað

Án "efa" ????

Bíddu?  Hvað voru þeir að meta ef þeir hafa ekki skoðað gögn bankans?  Þetta er enn eitt dæmið um hvað íslenska ríkið veit ekki neitt hvað er um að vera.  Af hverju taka menn ekki upp síma og hringja og spyrjast fyrir?  Er símsvarinn orðinn svona í útlöndum:  Welcome, you have reached...., press 1 if you are an icelandic terrorist, 2 if you are ....   Strákar og Stelpur!  Hringið og komist að því hvað er að gerast í málefnum Íslands svo þið standið ekki alltaf eins og álfar úti á hól og ypptið öxlum og vitið ekki neitt.

Án efa stuðst við gögn gamla Landsbankans

Já, eigum við ekki bara að eignast sem flesta óvini?

Íslendingar eru hrokafullir hálfvitar sem þurfa á öllum þeim stuðningi að halda sem hægt er að fá á alþjóðavettvangi.  Hvað gerum við þá?  Förum að veiða hvali og styggjum alla í kringum okkur.  Það skiptir engu máli hvort hvalir eru í útrýmingarhættu eður ei, almenningsálitið í heiminum er á móti þeim. Punktur!  Hættið þessari vitleysu.

Hvalur 9 á leið til lands með tvær langreyðar

Setur pressu á umboðsmann Tevez

Það væri vissulega gaman að fá Torres til United og erfitt verður fyrir Liverpool að halda honum ef hann vill á annað borð yfirgefa þetta bikarlausa lið því eitthvað er buddan tóm á bænum.

United sagt íhuga tilboð í Torres

Af hverju lendi ég aldrei í svona mistökum?

Alltaf þarf ég að borga allt í topp og er aldrei svo "óheppinn" að lenda í svona mistökum eins og bankastjórar og ríkissaksóknarar að skjöl og pappírar týnast á leiðinni eitthvað.  Ég þarf að vísu að fara betur yfir debetreikninginn og athuga hvort allar 200 milljón króna færslurnar hafi ekki skilað sér og hvort kúlulánin séu ekki eins og þau eiga að vera. 

Sigurjón lánaði sjálfum sér fé

Ferilskoðun (Background check) í USA er skotheld!

Voru ekki hershöfðingjar og stjórnmálamenn í USA að ferðast um með heimilislausum manni sem laug að þeim að hann væri stríðshetja.  Maður fyllist öryggistilfinningu við slíkar fréttir og ég er alveg viss um að ferilskoðun vegna vopnakaupa er algerlega skotheld hjá þeim.  Annars væri nú gott að eiga einn M1-Abrams til að rúlla á í vinnuna í mikilli umferð, alveg ljóst að það eru ekki margir sem gæfu manni puttann.  Og þessar fréttir um skort á AK-47vélbyssum eru hræðilegar, hvað eiga menn að gera ef þeir verða varir við innbrotsþjóf? 

Byssurnar rjúka út