Er hyldýpi fyrir neðan krónuna?

Hvað er að gerast með krónuna?  Pundið sem var rúmlega 150 kall fyrir rúmlega 2 mánuðum er komið vel yfir 200 kallinn, þetta er 33% hækkun?  Hvernig á að lifa í landi sem er með slíkan óstöðugleika í gengismálum?  Ef fram heldur sem horfir þá mun almenningur taka einhliða upp annan gjaldmiðil mþa flytja einfaldlega úr landi, hér er varla orðið byggilegt.

Það er að koma í ljós að við vorum í höndunum á glæpamönnum og fjárhættuspilurum og í einfeldni okkar þá trúðum við og treystum því sem "virtir" fjármálasérfræðingar, bánkamenn og lands-feður og mæður sögðu um ástandið allt fram á síðasta dag.

 

Krónan veiktist um 0,8%

Mikill er máttur okkar Íslendinga

Já mikill er máttur okkar Íslendinga að fella fjármálakerfi heimsins.  Íslendingar tóku of stór lán af illmennsku en Bretar fengu of stór lán í sakleysi.  Íslendingar lánuðu of mikið af illmennsku en Bretum er skuldað of mikið í sakleysi.  Hvað haldið þið að Breskir fjármagnseigendur og fjárfestar hafi tapað miklu við yfirtöku (aðstoð, hehe) Breska ríkisins á Breskum bönkum eins og t.d. Royal Bank of Scotland?  Það á örugglega eftir að koma í ljós að þeir sem t.d. lögðu inn á IceSafe hafi tapað minna en ef þeir hefðu t.d. fjárfest í "stöndugum" bönkum og fyrirtækjum.  Við erum bara einn allsherjar blóraböggull og getum ekki varið okkur og komið  okkar sjónarmiðum fram á alþjóðavettvangi af einhverjum aumingjaskap og ráðaleysi.

Hvar eru íslensku gulldrengirnir?

Rottweiler beit son minn í handlegginn

Sonur minn var bitinn í handlegginn af Rottweiler hundi fyrir ári síðan þar sem hann var á gangi á göngustíg í Hafnarfirði.  Hann þurfti á slysadeildinga til að fá gert að sárum sínum og fá sprautu.  Á vettvangi var hann skammaður af eigandanum fyrir að láta bíta sig að því er virtist.  Hann mátti víst ekki horfa á hundinn.  Þetta var kært en lögreglan í Hafnarfirði vildi ekkert gera því hundurinn var í bandi og fær sínar sprautur reglulega og kúkurinn hirtur eftir hann og þá er i lagi að bíta börn og unglinga.  Slíkan hund á að aflífa samstundis því ef hann bítur einu sinni þá bítur hann aftur.

Meindýraeyðir ver sig

"Sveittur karl" ....

Þessi auglýsing er niðurlægjandi fyrir heilbrigðisstéttir og konur en hvað með okkur karlana?  Er þetta ekkert niðurlægjandi fyrir okkur?  Það er eins og það megi ekkert anda á lækna og heilbrigðisstéttir og að dirfast að segja eða birta eitthvað sem vegur að konum er alveg bannað.  Samt er "Open Season" á karlmenn.  Held að það sé aðeins kominn tími til að staldra við.

Tek fram að ég hef ekki séð þessa auglýsingu en lýsingin er þannig að mér er misboðið.

Auglýsing tekin úr umferð

Segist hafa rætt við.... veit að honum urðu á mistök...

Þetta er nú bara eins og bein tilvitnun í Gróu á Leiti.  Það var ekki hægt að dæma annað en vítaspyrnu á þetta en hugsanlega má með skoðun í rafeindasmásjá fara að diskútera það eitthvað en þetta leit út eins og brot.   Annars var nú frammistaða dómarans í Liverpool leiknum miklu vafasamari þar sem hann virtist ekki vera að horfa á sama leik og aðrir.  Fyrsta markið kom úr algerri aukaspyrnu sem ekki var og einnig var hendi á Liverpool leikmann í öðru markinu.

Webb hefur viðurkennt mistök

Giggsarinn og Júnæted rjúla!

Ryan Giggs kjörinn leikmaður ársins í Ensku Úrvalsdeildinni!  Hann er vel að þessu kominn eftir farsælasta ferill leikmanns í Enska Boltanum.  Síðan er meirihluti úrvalsliðsins skipaður leikmönnum Man United.

Sex frá United í liði ársins

Dómaraskandall!

Aukaspyrnan sem gaf fyrsta markið var aldrei aukaspyrna og það var hendi á Púlara í öðru markinu, eftir það nennti ég ekki að horfa á meira.  Skil ekkert hvað Benni er alltaf að væla þegar hann fær svona sumargjafir ítrekað.

Liverpool í toppsætið

To whom it may concern...

This is to certify that one Sir Alex Ferguson has a sole and special permit to "diss" the other managers in the Premier League.  Sir Alex has a PhD in Psychological Warfare from the University of Life.

Benítez: Ferguson með sérstakt leyfi?

Nýtt varnarafbrigði hjá BeNítes

Það verður ekki af honum Benna skafið að hafa auðgað knattspyrnuflóruna á Englandi.  Þetta nýja varnarafbrigði sem hann beitir nú í síðustu leikjum er hrein unun á að horfa.  Ég fletti þessari vörn upp í alfræðiorðabók og heitir hún "Rauður Dregill" eða "Red Carpet" upp á útlenzkuna.  Vissulega verða leikirnir skemmtilegir á að horfa en leikir eru að tapast og enda í jafntefli og verið að falla úr keppnum þrátt fyrir að skora 3-4 mörk.

Var ég búinn að minnast á föstu leikatriðin sem skiptu sköpum í kvöld en það voru innköstin en mér finnst að stjórar eigi að æfa þau betur.

Liverpool í toppsætið - Arshavin með fernu fyrir Arsenal

En dómsvaldið?

Fyrir liggur að alþingismenn og borgarfulltrúar (löggjafarvald) og ráðherrar og Borgarstjórnarfulltrúar (Framkvæmdavald) hafa þegið ýmislegt og nú vaknar sú spurning hvort dómarar og saksóknarar og starfsmenn eftirlitsstofnana (dómsvald) hafi þegið eitthvað misjafnt?

Fyndin fréttin um spillinguna á Grænlandi sem virðist vera hreinn barnaleikur miðað við subbu- og sóðaskapinn hér á Klakanum.

Háir styrkir frá Baugi og FL