Af hverju lendi ég aldrei í svona mistökum?

Alltaf þarf ég að borga allt í topp og er aldrei svo "óheppinn" að lenda í svona mistökum eins og bankastjórar og ríkissaksóknarar að skjöl og pappírar týnast á leiðinni eitthvað.  Ég þarf að vísu að fara betur yfir debetreikninginn og athuga hvort allar 200 milljón króna færslurnar hafi ekki skilað sér og hvort kúlulánin séu ekki eins og þau eiga að vera. 

Sigurjón lánaði sjálfum sér fé

Ferilskoðun (Background check) í USA er skotheld!

Voru ekki hershöfðingjar og stjórnmálamenn í USA að ferðast um með heimilislausum manni sem laug að þeim að hann væri stríðshetja.  Maður fyllist öryggistilfinningu við slíkar fréttir og ég er alveg viss um að ferilskoðun vegna vopnakaupa er algerlega skotheld hjá þeim.  Annars væri nú gott að eiga einn M1-Abrams til að rúlla á í vinnuna í mikilli umferð, alveg ljóst að það eru ekki margir sem gæfu manni puttann.  Og þessar fréttir um skort á AK-47vélbyssum eru hræðilegar, hvað eiga menn að gera ef þeir verða varir við innbrotsþjóf? 

Byssurnar rjúka út

Öfund!

Þetta er bara öfund hjá dönsku fréttamiðlunum.  Þeir hafa ekkert jafn bitastætt til að fjalla um og íslenskir fjölmiðlar.  Vandamál okkar er að vísu það að það nennir enginn íslenskur blaðamaður að gera neitt annað en þýða erlendar fréttir á milli þess sem hann er á Facebook.  Mér lísta alveg ljómandi vel á nýjasta form einkavæðingarinnar.  Ekkert að vera að fjölga of mikið ríkisstarfsmönnum mþa efla Fjármálaeftirlit og rannsóknarstofnanir heldur einkavæða rannsókn bankahrunsins og ráða einkaspæjara.  Ég sé fyrir mér Mike Hammer þar sem hann sötrar Móhító á gamla Rex að spyrjast fyrir um Glitnismenn eða á skuggalegum bar á Kólaskaga að spyrjast fyrir um Gísla Martein. Best væri að ráða Magnum PI til að kíkja til Tortola og J. Bond til að rannska asögur um gullrétti í Hong Kong.

Stærsta svikamál frá stríðinu

Eru hagfræðingar gullgerðarmenn nútímans?

Það er ótrúlega gaman að fylgjast með og hlusta á hagræðinga tjá sig daginn út og daginn inn um ástandið.  Sumum finnst alveg augljóst að lágir stýrivextir muni laga gengi krónunnar á augabragði og aðrir tala sig rauða í framan og heimta háa stýrivexti til að laga gengi krónunnar.  Ég spyr því hvort hagræðingar , ég meina, hagfræðingar, séu gullgerðarmenn nútímans.  Það er kannski ekki hægt að hafa áhrif á gengi krónunnar.  Hún hefur sjálfstætt líf og ekki hægt að breyta vöxtum í gengi, svona rétt eins og það er ekki hægt að breyta blýi í gull.  Er ekki bara okkar eina vona að kasta krónunni og spara evruna? 

Konur eiga að vera með slæður fyrir andlitinu og ...

Konur eiga að vera með slæður fyrir andlitinu og hylja hár sitt.  Einnig að vera í síðum svörtum kuflum.  Þetta er það sem femínistar vilja en hljómar samt eitthvað kunnuglega, ég kem því bara ekki alveg fyrir mig hvar ég hef heyrt um þetta áður.

Ósátt við auglýsingabækling

Ég er harmi sleginn yfir þessari fyrirsögn

Prentvillupúkinn dugir ekki einn og sér. Blaðamenn þurfa helst að kunna íslensku.

Pétur er harmi lostinn

Furðulegt mál

Vissu skólastjórnendur ekki að þeir voru búnir að hafna þessum umsækjanda?  Hann yrði hugsanlega mjög afkastamikill en ekki að sama skapi frumlegur í starfi þar sem hann tæki teikningar annarra og skeytti við sína undirskrift.  Á hinn bóginn þá þarf töluvert hugmyndaflug, áræðni, frumlegheit og sannfæringarkraft til að gera svona lagað sem er væntanlega akkúrat það sem margir vilja sjá hjá arkítektum og hönnuðum.

Íslendingur sakfelldur fyrir skjalafals í Árósum

Alvöru Kreppukort væri fyrirframgreitt krítarkort

Alvöru Krepppukort væri fyrirframgreitt Kreditkort ef hægt er að tala um slíkt.  Það væri með öllum þeim möguleikum sem venjulegt krítarkort hefur en notandinn þyrfti að leggja inn á reikning og innistæðan væri heimildin á kortinu.  Þannig safnast innvextir í stað útvaxta.  Þar sem vextir á útlánum eru mjög háir þá vilja bankar og kreditkortafyrirtæki gera allt sem í þeirra valdir er til að fá okkur til að nota krítarkort.  Þeirra draumur eru greiðsludreifingar því vextir og kostnaður við það er hærri en "hæstu leyfilegu dráttarvextir".   Það ætti eiginlega að kalla nýja kortið "Skjaldborgarkortið" því hátt vaxtastig í landinu heldur heimilum og  fyrirtækjum í landinu í heljargreipum.

„Kreppukortið“ kemur á markað

Ferguson sigrar Benitez á Google!

Við að slá inn "alex ferguson" þá fær maður 5.450.000 "hit" en við að slá inn "rafa benitez" fær maður einungis 2.600.000 "hit".  Það er því ljóst að Ferguson fer enn einu sinni með sigur af hólmi.  Við að slá inn "olafur gislason" þá fær maður 1.750.000 "hit" sem kemur þægilega á óvart en ekki vil ég eigna mér nema örlítið brotabrot af því.

Ferguson undrandi á Benítez

Einungis hægt að selja það sem maður á

Vandamál "kvótaeigenda" er það að sá sem seldi þeim átti hann aldrei.  Þetta er álíka og ef ég fengi einbýlishús til afnota ótímabundið og tæki síðan upp á að veðsetja það gegn láni til að kaupa afnotarétt af húsinu við hliðina af öðrum sem ekki ætti það hús og byrja einnig að fara með það sem mitt eigið.  Í framhaldinu stofna ég almenningshlutafélag um húsin og sel hluti í því og kaupi mér svo sumarhús á Spáni, nýjan bánka og baðströnd og skúffu á Tortola.  Þetta er svona álíka og ef fólkið sem leigir á Keflavíkurflugvelli tæki upp á því að byrja að veðsetja og selja sem sitt eigið og af því að þetta er heilt hverfi og þau eiga upp í ermina hjá ráðandi stjórnmálamönnum þá er ekki gerð nein athugasemd við það.

 

 

„Eigandinn heldur áfram að borga“