Alveg er mér nákvæmlega sama

Gangi þeim vel að fylgjast með bullinu þarna.  Verst að þeir vita þá hver minn raunverulegi aldur er, hver ég væri í mannkynnsögunni, hver greindarvísitalan mín er og síðast en ekki síst hversu vel ég er inni í karakterum í Friends. 
mbl.is Stóri bróðir í Facebook?
Tilkynna um óviðeigandi tengingu við frétt

En við Íslendingar FENGUM of mikið að láni.

Bandaríkjamenn voru klaufar að taka svona mikið að láni og geta sjálfum sér um kennt.  Þessu er allt öðruvísi farið hér á Fróni. Við fengum of mikið að láni og því erum við í þessu skuldafeni sem umlykur okkur.  Það voru óprúttnir náungar sem prönguðu inn á okkur þessum erlendum lánum og því þarf að bjarga okkur, við gátum ekkert að þessu gert. 

Þeir sem sögðu okkur að eina vitið væri að taka lán í þeirri mynt sem tekjur okkar væru í voru bara fávitar sem enginn hlustaði á, örugglega bara öfundsjúkir og/eða heimskir. 

Við sem tókum vísitölutryggð lán í Íslenskum krónum vorum alveg jafn heimsk, því verðtryggð Íslensk króna er allt önnur mynt en vaðmálskrónan sem við þyggjum laun okkar í enda dregur sífellt í sundur hvort sem gengisvísitalan er á upp- eða niðurleið.


mbl.is Bandaríkjamenn tóku of mikið að láni
Tilkynna um óviðeigandi tengingu við frétt

Verið að lýsa aðdraganda Bankahrunsins?

Þessi fyrirsögn hljómar alveg eins og þetta væri frétt um Bankahrunið.  Hér voru allir yfirmenn  ýmist fullir og/eða sofandi í brúnni og sigldu með sjálfstýringuna á að Feigðarósi á Ströndum.
mbl.is Allir fullir í brúnni
Tilkynna um óviðeigandi tengingu við frétt

Sami Íslenski hrokinn

Við höfum ekkert lært á undanförnum mánuðum.  Við vitum allt best og gerum það sem við viljum sama hvað aðrir segja.  Það skiptir engu máli hvað okkur finnst um hvalveiðar, það sem skiptir máli er hvað öðrum finnst. 

Íslendingar þurfa að skipta við aðrar þjóðir og selja þeim íslenskar afurðir og því verðum við að virða þeirra afstöðu til hvalveiða.   Þetta minnir á þegar USA ætlaði að hætta að skipta við einhverjar Evrópuþjóðir því þeir fengu ekki nægan stuðning í sínum málum.  Þeir ætluðu jafnvel að kalla franskar kartöflur, frelsiskartöflur en áttuðu sig fljótlega á að þeir eru, þótt stórir séu, einungis 5% af heiminum og skiptu því um kúrs.

Við erum smáþjóð með stórt hjarta úti í Ballarhafi og þurfum að gleyma þessum hvalveiðum og snúa okkur að öðru og reyna að byggja um traust og virðingu annarra þjóða.

 


mbl.is Hætta að kynna íslenskar vörur
Tilkynna um óviðeigandi tengingu við frétt

Víst erum við hálfvitar.

Við höfum amk hegðað okkur þannig og erum ennþá að.  Ég fæ ekki betur séð en að flest allt í greininni sé satt og rétt þó stundum sé aðeins fært í stílinn.  Við verðum nú að hafa smá húmor fyrir okkur sjálfum og ekki detta aftur í gamla hroka gírinn sem við brenndum okkur illa á og hlustuðum ekki á klingjandi viðvörunarbjöllur.
mbl.is Íslendingar engir hálfvitar
Tilkynna um óviðeigandi tengingu við frétt

AIG - HBG[randi]

Það er sama siðferðið á gangi á þessum bæjum.  Alveg ótrúleg heimska og græðgi þarna á ferðinni.
mbl.is AIG látið skila risabónusum
Tilkynna um óviðeigandi tengingu við frétt

Vaxtaokur ríkisbankanna

Það vekur sífellt meiri furðu mína vaxtaokrið sem viðgengst í ríkisbönkunum.  Nú þegar heimilin og fyrirtækin í landinu eru að berjast í bökkum og gera allt sitt til að standa í skilum þá er lítið komið til móts við þau.  Hægt og rólega eru yfirdrættir að hækka og greiðslukortin komin í dreifingu og hvað þá? 

Jú!  25% vextir.  Þetta er alveg ótrúlegt vaxtaokur og til þess gert að keyra allt og alla í þrot.

Á sama tíma og stjórnmálamenn eða slást um hvort og hvernig eigi að afskrifa skuldir þá eru þeir að setja alla í meiri vandræði.

Lækkið yfirdráttar- og fjölgreiðsluvexti NÚNA!

 


Kommon! Auðvitað!

Ég þekki nú lítið til þessa máls en ég held að menn verði að grafa ansi djúpt í tunnuna ef það á að finnast lögfræðingur sem ekki hefur unnið fyrir Baug á einn eða annan hátt.  Þeir hafa verið mjög umsvifamiklir innan lands og utan og mér sýnast þessir menn vera óvtitlausir og velja gjarnan hæfustu sérfræðinga til að vinna fyrir sig.    Hins vegar eiga viðkomandi ekkert að vera að fela það og leggja öll spilin á borðið ef þeir vilja fá að taka þátt í skiptastjóra- og skilanefndaveizlunni sem nú er haldin á Íslandi.


mbl.is Víðtæk tengsl við Baug
Tilkynna um óviðeigandi tengingu við frétt

Kann sko að lesa leikjatöflur...

Ég hef fulla trú á að Liverpool gæti alveg marið Júnæted á laugardaginn.  Ef þeir gera það þá verður það bara til þess að þeir tapa í næsta leik fyrir Scunthorpe United og/eða Smallburn Rovers.  Þeir geta nebbnilega bitið á jaxlinn á móti stóru strákunum en missa svo einbeitinguna á móti hinum. 
mbl.is Torres: „United eru næstir!“
Tilkynna um óviðeigandi tengingu við frétt

« Fyrri síða | Næsta síða »

Um bloggið

Ólafur Gíslason

Höfundur

Ólafur Gíslason
Ólafur Gíslason
Ágúst 2025
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • 336725_zoom

Heimsóknir

Flettingar

  • Í dag (29.8.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband