(Ó)nákvæmni?

Það er soldið skemmtilegt ósamræmi í þessari frétt.  Annars vegar er talað um 170-210 km hraða og 15-20 milljónir króna.  Hins vegar er talað um 50,9 metra ; 73,4 metra ; 48,6 metra; 25,5 metra og 198,4 metra.  Já og ekki má gleyma Porsche 911 GT3 RS sem segir lítið meira en Porsche 911.

Ég fagna því að tryggingafélagið þarf ekki að borga þetta tjón og velta því yfir á aðra vátryggingataka sem sýna ekki af sér álíka framkomu sem ég kalla ekki gáleysi heldur frekar stórhættulega og í raun glæpsamlega.  Bílstjórinn hefði auðveldlega getað banað öðrum vegfarendum með þessu aksturslagi.

Fær tjón ekki bætt vegna ofsaaksturs

Athugasemdir

[Guðlaugur Hermannsson, 12.10.2009 kl. 22:56]

Sammála.

[Steini Thorst, 12.10.2009 kl. 23:19]

Hvar er ósamræmið? Ég skil ekki alveg.

Metrarnir eru mælanlegir eftir slysið. Hins vegar þarf að áætla hraðann miðað við aðstæður. Semsagt að hann hafi að lágmarki verið 170 en að hámarki 210 km/klst.

Verðið á svona bíl getur svo rokkað á milli 15 og 20 mílljónum eftir ástandi.

Porsche 911 GT3 RS segir líka miklu meira en BARA Porsche 911

Hvaða ósamræmi ertu að benda á?

[Ólafur Gíslason, 13.10.2009 kl. 00:59]

Hehe, hvernig mælirðu að bíll sem er x  metrar á lengd og y metrar á breidd velti eða kastist 48,6 metra í einhverja átt?  Af hverju ekki 48,5 eða 48,7 eða 50m eða til samræmis við hitt af hverju ekki 45-50 m?  Við hvað er verið að miða?  Ef bíllinn snýst í 45 gráður á leiðinni þá fara ýmsir hlutar hans mislángt osfrv osfrv.  Þessi aukastafanákvæmni gefur til kynna nákvæmni sem er ekki til staðar.  Þessar andstæður voru bara svo sláandi.

[Gullvagninn (IP-tala skráð) 13.10.2009 kl. 07:48]

Vel athugað hjá þér.  Auðvitað er <tryggingafélagið> að beita fyrir sig málskrúði til að reyna að byggja vísindalegan gljáa af málatilbúnaði þess.  Að auki spilar mbl inn á fordóma okkar með því að nefna hröðun bílsins etc. 

En það er í raun óþarfi að fagna fyrir tryggingafélögin, þau munu ávalt rukka eins mikið og þau komast upp með, og eru sek að mínu mati um glæpsamlega framkomu og akstur (og veltur og flugköstu upp á marga metra) með tryggingasjóði í allskyns fjárfestingafélögum.

Ég man allavega eftir því að fyrstu árin, þegar fjárfestingarnar skiluðu bullandi hagnaði, þá var ekki hægt að lækka iðgjöldin af þeim sökum, því sá hagnaður varð til í annarri deild og kom okkur mjólkurkúnum ekkert við.

En nú þegar allt er þurrausið í ruglið, þá banka þeir upp á hjá okkur, reyna hækkanir og ef það gengur ekki, þá bara fáum við færri og færri tjón bætt.