Bara önnur (ein) hliðin á sögunni...

Einhvern veginn þá á ég erfitt með að trúa þessum Íslendingasögum.  Ég hef ferðast oft til Bretlands síðan bankahrunið varð og aldrei hef ég orðið fyrir aðkasti vegna þjóðernis.  Ef eitthvað er þá vorkenna þeir okkur vegna aðstæðna okkar.  Bretar hafa sjálfir orðið fyrir barðinu á vandamálum sinna eigin banka og efnahagstandinu heima fyrir og vita alveg að þetta hefur ekkert með þjóðerni að gera.  Ég veit svo sem ekkert um aðstæður í þessu tilfelli en það er alger óþarfi að vera að búa til eitthvað "við" og "þau" ástand og viðhorf hjá okkur Íslendingum.    Ef við ætlum að vinna okkur út úr þessum erfiðleikum þá verður það í samvinnu en ekki stríði við aðrar þjóðir.

Var rekin vegna þjóðernis

Athugasemdir

[Bumba, 7.4.2009 kl. 22:24]

Fyrirgefðu Ólafur, hefurðu unnið á vinnumarkaði í þessum löndum sem þessir Icesave krimmar iðkuðu iðju sína? Ég er ansi hræddur um að það kæmi annað hljóð í strokkinn ef þú hefðir gert það. Með beztu kveðju.

[Ingunn Guðnadóttir, 7.4.2009 kl. 23:29]

samvinna segirðu.

En verður það þá ekki að vera samvinna frá báðum hliðum??

[Sigrún Björk Ólafsdóttir (IP-tala skráð) 8.4.2009 kl. 00:34]

Elsku vinur. Ég kann virkilega að meta það að það eru tvær hliðar á öllum málum. Þessvegna reyndi ég að fara í mál við þetta lið!

Ég er búin að búa og starfa hér úti í að verða 7 ár,  ég er búin að vinna eins og skepna hér. Ég er búin að vinna mér inn öll réttindi. Sem einstætt foreldri, búin að vinna 14 klt á sólahring í 6 ár.

Ég á þetta ekki skilið.

Ef þú efast um sögu mína er þér velkomið að hringja í mig í síma 00447828684220..

Sigrún