Ég ætla að keyra fullur á morgun

17.6.2011 | 01:10

Ég ætla að keyra fullur á morgun

Ég hef drukkið áfengi í yfir 25 ár og var að heyra fyrst af þessu núna og ætla þess vegna að mæta á 17. júní niðr'í bæ vel slompaður á bílnum. Þessu áfengisakstursbanni ætla ég að mótmæla. Ég hlýt að ráða eftir hvaða lögum ég fer, það segir mér enginn hvað er bannað og hvað má. Það er merkilegt hvað hundaeigendur telja sig alltaf geta farið eftir lögum að vild og telja sig yfir lög og reglur hafna. Það er hundleiðinlegt að hlusta á rök þeirra og hundfúlt hvað þeir fá að komast upp með og þeir eru með hundshaus margir og ætti að hundelta þá og hunsa kröfur þeirra þegar það er hundur í þeim. Áhugavert hvaða þýðingu forskeytið "hund-" hefur í Íslensku máli.

	Hundsar hundabannið á 17. júní
Ábyrgðarmaður færslu Tilkynna um óviðeigandi tengingu við frétt

Flokkur: Spaugilegt | Breytt s.d. kl. 01:12 | Facebook

Athugasemdir

Þetta er mjög viðeigandi dæmi, sem þú leggur fram.

Það er eitt að aka fullur og annað að aka undir áhrifum áfengis. Í sumum löndum, t.d. Noregi og Svíþjóð er miðað við 0.2 prómíl, sem þýðir að þú mátt ekki drekka bjórglas. Flest skynsamt fólk myndi telja að þar væri of langt gengið, og skandinavíska mömmuríkið farið út fyrir öll velsæmismörk. Hvað kemur næst? Og hver tekur mark á lögum sem ganga á skjön við skynsemi og sanngirni?

Á Íslandi er miðað við 0.5 prómíll og í enn öðrum löndume miðað við 0.8, sem veitir svigrúm upp á eins og 1 vínglas, sem skynsamlegt fólk myndi halda að sé hið besta mál.

Þú veist að eitt vínglas hefur stjarnfræðilega lítil áhrif á getu þína til að aka. Finnst þér þá ástæða til að líta á það sem gott og blessað þegar e-r ríkisnefnd tekur sig til og setur reglur sem stangast á við almenna skynsemi?

Væri það ekki þér til framdráttar sem manneskju að segja stopp -láta ekki ganga á frelsi þitt án nokkrar gildrar ástæðu. Þætti þér ekki borgaraleg skylda þín að hreinlega hundsa óeðlileg og óréttlát lög? Læturðu skilyrðis og gagnrýnilaust segja þér hvað þú mátt og mátt ekki?

Sama er í gangi þegar kemur að því að banna umferð hunda á aðalgötum höfuðborgarinnar, og á hátíðum. Þú veist að fólk er ekki að fara með hunda á hátíð í miðborginni nema það viti að hundurinn geti hegðað sér og hafi gaman af. Eigandi hefur enga ánægju af að fara með óþekkan eða hræddan hund á þannig viðburði.

Eða eru hundarnir á Íslandi alveg sérstaklega miklir skaðvaldar? Hevrnig stendur á því að fólk þorir út úr húsi í borgum þar sem hundar fá að fara um með eigendum sínum allra sinna ferða, og m.a.s. á götuhátíðir? Getur ekki verið að þetta sé bara enn ein séríslensk hysterían og sveitalubbamennskan í ofvirkum embættismönnum?

Promotor Fidei, 17.6.2011 kl. 02:36

Vonandi lendir keyrir þú ekki á þennan Tómas, þó hann hefði auðvitað fullan skilning á lögbrotinu og erfði þetta ekki við þig.

Axel Jóhann Hallgrímsson, 17.6.2011 kl. 02:44

Vonandi keyrir þú ekki á þennann Tómas, þó hann hefði auðvitað fullan skilning á lögbrotinu og erfði þetta ekki við þig. -átti þetta að vera.

Axel Jóhann Hallgrímsson, 17.6.2011 kl. 02:45

Er það í alvörunni þannig að hér ætla fullorðnir menn að setja öll lög undir sama hatt? Er í alvörunni enginn skilningur fyrir því að þessi lög eru gríðarleg ólög í augum margra? Líkirðu þessu bara óhikað við ölvunarakstur og finnst það bara snilldar röksemdarfærsla? Þessar alhæfingar þínar um hundaeigendur eru jafn gáfulegar og ef þú myndir einmitt alhæfa um ökumenn út frá hegðun þeirra fáu sem aka undir áhrifum. Ég þykist nú viss um að þú hafir rekist á einhver ólög í gegnum tíðina sem þú jafnvel mótmælir með að virða þau að vettugi. Virtu það við aðra að þeim finnist þeir þurfa gera það sama, þó svo að þú finnir kannski ekki sterka tengingu við málefnið.

Góðar stundir.

Haukur Sigurðsson, 17.6.2011 kl. 06:56