Gult á Guardiola

Þó ég sé Barcelona maður þá fannst mér framkoma Guardiola mjög óíþróttamannsleg og hann átti að fá gult spjald fyrir að kasta boltanum í burtu.  Leikmenn fá spjald fyrir slíkt.  Rónaldó átti sitt spjald algerlega skilið, svo og Valdes sem átti að sleppa langhlaupinu til Rónaldó.  Óþolandi þegar leikmenn umkringja svona aðra leikmenn eða dómara.

En frábær leikur hjá Barca og mikið var yndislegt að horfa á Móra hrokagikk þjást á bekknum og hafa engin svör við stórleik andstæðinganna.  Vonandi sér Rónaldó eftir að hafa farið frá alvöru liði yfir í þessa hörmung (eða þannig, hehe).

Ronaldo ýtti við Guardiola (Myndband)

Athugasemdir

[Baldvin Einarsson, 30.11.2010 kl. 16:16]

Ég get ekki verið meira ósammála. Ronaldo hefði ekki tekið þetta innkast og Guardiola er að kasta boltanum til Xabo Alonso sem er kominn til þess að taka það á réttum stað. Guardiola kastar ekki boltanum í burtu, heldur lætur hann detta lauslega að þeim stað þar sem innkastið skal tekið (þar sem Xabi er að mæta). Auðvitað er hann aðeins að spæla Ronaldo, en það breytir því ekki að sá skítbuxi, sem kallast hér í Madríd "CR7", er sá sem hegðar sér óíþróttamannslega.

Næsti Clásico verður rosalegur!