Iceland Express er gott flugfélag

Allir eiga einhverja sögu um vandamál í flugi, það skiptir engu máli hvort það heitir Iceland Express, Icelandair eða eitthvað annað og engin ástæða til að hlaupa upp þó vandamál komi upp.

Ég flýg mikið og flýg nær eingögnu með Iceland Express vegna sveigjanleika.  Þeim er alveg sama hvort þú flýgur fram og tilbaka en sum flugfélög marfalda verðið ef þú ætlar bara aðra leiðina, t.d. ef menn þurfa að hafa viðkomu  á fleiri en einum stað.  Einnig er breytingagjald hjá IE mjög lágt og þess vegna nokkuð gott að kaupa miða langt fram í tímann og breyta síðan þegar nær dregur og dagsetningar liggja fyrir.  Ég hef lent í því hjá öðru flugfélagi að þurfa að seinka brottför um 3 daga og það borgaði sig að gleyma miðanum og kaupa nýjan fram og til baka hjá IE því breytingagjaldið hjá hinum var það hátt og einnig þóttust þeir ekki eiga miða á sama verði 3 dögum síðar þó á netinu væri ennþá nákvæmlega sama verð á miðanum sem ég átti og miðanum 3 dögum seinna.   Það dugði ekki að kaupa utanferðina hjá IE því miðinn hjá hinu félaginu féll dauður niður ef ég tók ekki fyrra flugið.  Svo spyr maður hvað verður um flugvallarskattana sem félögin þurfa ekki að greiða ef maður mætir ekki?  Eru þau að stela þeim?

Ósáttur við Iceland Express

Athugasemdir

[Sigrún Aðalsteinsdóttir, 2.8.2010 kl. 00:06]

Góð spurning hjá þér varðandi flugvallaskattana af ónýttum flugmiðum. 

Ég hef reyndar ekki lent í því sjálf að þurfa að sleppa áætluðu flugi og þeir sem ég þekki sem hafa lent í slíku fengu ferðina greidda vegna forfallatryggingar.

[Hallbjörn Magnússon, 2.8.2010 kl. 09:45]

Bara svo það sé á hreinu þá getið þið fengið flugvallarskattinn endurgreiddann en þið þurfið þá að biðja um það.

[Sigurður Sigurðarson, 2.8.2010 kl. 22:23]

Sæll Hallbjörn ég veit ekki hvort aðrir standa sig betur en ég veit það að flugvallarskattar eiga að endurgreiðast ef maður notar ekki greitt flug. maður á ekki að þurfa að biðja um það. Ef það þarf eru menn að reyna að stela.

Varðandi seinkunina á fluginu þá var framkoma IE við farþega til háborinnar skammar. ég var með Ítali hjá mér sem áttu pantað flug sem átti að fara kl. 15:50 á laugardag. kl 9 um morguninn sáum við að fluginu hafði verið seinkað til 21 sem var gott og blessað að vita, við gæatum notað daginn í skoðunarferðir. Þegar við eru lögð af stað og erum á leið austur fyrir fjall kl. rúmlega 12 á hádegi fréttum við að flugið sé komið á áætlun sem sagt kl 15:50. Mér fannst þetta frekar ólíklegt og hringi í öll númer sem ég gat fundið en fékk hvergi samband við flugfélagið "ferðaskrifstofuna" en náði í stjórnstöð flugstöðvar, Þar var mér sagt að flugið væri á áætlun þannig að við snérum við. Þegar við erum komin í bæinn aftur fær einn farþeginn SMS , það voru fyrstu og einu upplýsingarnar sem þeir fengu um breytingar, um að fluginu hefði verið seinkað til 20:00. Þau voru orðin leið á þessum hringlandahætti þannig að við fórum heim og mættum síðan á flugvöllinn í fyrra fallinu þar sem þau vildu eyða tíma í flugstöðinni. síðan tók við seinkun á seinkun ofan og flugið fór í loftið kl. 1:15 um nóttina. þegar ég hef flogið með Icelandair hef ég alltaf fengið góðar upplýsingar um allar breytingar og í mínum tillfellum hafa þær staðist. Málið er það að þetta er að gerast aftur og aftur hjá IE og þó ég eins og fleiri viljum hafa samkeppni þá er ekki hægt að láta bjóða sér hvað sem er.