"Hana rekur ekki minni til..." ???

Eru ekki haldnar fundargerðir á fundum VG?  Ég hélt það væru bara Íslenskir spillingarpésar sem muna aldrei neitt eftir hvað þeir gerðu eða sögðu en kannski er VG í sama flokki eða hvað?

VG samstiga um Líbíurannsókn

Fugl í skógi en ekki hendi...

Það er fullsnemmt að byrja að telja peningana strax.  Hann hefur ekki grætt neitt fyrr en hann selur þs verðhækkunina má rekja beint til þessara viðskipta. Svona fréttaflutningur minnir á Ísland 2007. 

Græddi 32 milljarða á einum degi

Hver er þetta á myndinni?

Ég kannast ekki við persónuna á myndinni, hef amk ekki séð eða heyrt frá henni lengi.  Kannski vantaði textann:  "Myndin tengist ekki fréttinni beint".  Mér sem almennum kjósanda sýnist sem lið sem fékk tæplega 22% atkvæða sólói algerlega með (ó)stjórn landsins, með leyfi forseta: 

 Heiti                                            Atkvæði Hlutfall  Þingmenn

Vinstrihreyfingin - grænt framboð

40580

21,68%

14

„Engin áform um matarskatt“

Margt til í þessu hjá honum en...

... merkilegt að hann skuli falla í "stereotypugryfjuna" sem maður hefði nú haldið að hann vildi helst forðast.  Manni sárnar þetta aðeins því ég tilheyri þessum "miðaldra karlmaður" hópi en hef hvorki byssu né biblíu í hönd og fagna öllum jafnrétti hvort sem það er vegna kynferðis, kynhneigðar, útlits, skoðana eða uppruna.  En Páll Óskar hefur líka fullan rétt á að hafa þessa skoðun og við megum alveg vera ósammála.

Mikil umræða um orð Páls Óskars

Er prófað í handstöðu?

... og þarf að lesa undir það?

Lærir undir próf í handstöðu

Hver er hann þessi Steingrímur?

... sem nefndur er í efstu blokk textans...

Yfirlýsing frá Sigursteini Gíslasyni

Kortum hafnað erlendis líka...

... það vantar í fréttina að korthafar erlendis lentu í vandræðum þám ég, því kortinu mínu var hafnað í Gatwick lestinni á þessum tíma.  Eins gott að hafa nokkur pund í vasanum þegar þetta hángir allt á einni tölvu uppi í Fannskerinu.  Get ímyndað mér að einhverjir hafi orðið undrandi við að standa upp frá stórdinner og ætlað að greiða með korti en lent í uppvaskinu í staðinn...

Bilun varð í stórtölvu RB

Greed online...

Merkilegt að hópur fólks sem eyðir flestum sínum vökustundum í að sprengja og skjóta skuli allt í einu taka upp á því að fara að sprengja og skjóta...  Ætli þetta sé nú samt ekki bara stormur í vatnsglasi, kannski var bara tímaspursmál hvenær farið var að bjóða upp á "the ultimate cheat" þeas að leyfa spilurum að kaupa sig áfram í leiknum þar sem hæfileikar og tími þeirra þrýtur.  Það er nú samt hætt við að áhugi fari snardvínandi en kannski er þetta bara kjaftasaga sem á sér engar rætur og deyr (verður skotin) út eða CCP tekur "Reykás" á þetta og ... ma, ma, ma...

Brenna borgir í EVE Online

Ég ætla að keyra fullur á morgun

Ég hef drukkið áfengi í yfir 25 ár og var að heyra fyrst af þessu núna og ætla þess vegna að mæta á 17. júní niðr'í bæ vel slompaður á bílnum.  Þessu áfengisakstursbanni ætla ég að mótmæla.  Ég hlýt að ráða eftir hvaða lögum ég fer, það segir mér enginn hvað er bannað og hvað má.  Það er merkilegt hvað hundaeigendur telja sig alltaf geta farið eftir lögum að vild og telja sig yfir lög og reglur hafna.  Það er hundleiðinlegt að hlusta á rök þeirra og hundfúlt hvað þeir fá að komast upp með og þeir eru með hundshaus margir og ætti að hundelta þá og hunsa kröfur þeirra þegar það er hundur í þeim.  Áhugavert hvaða þýðingu forskeytið "hund-" hefur í Íslensku máli.

Hundsar hundabannið á 17. júní

Á einhver tissjú?

Það er spurning hvort við getum ekki sent eina eða tvær flugvélar með tissjú til Noregs?  Það er verst að ég get ekki lofað að gera þetta aldrei aftur, múhahahaha...

Norðmenn öskureiðir